Шымкентте мас әйел полиция бөлімшесіне келіп, арыз беріпті.
Сөйтсе ол қолындағы жеті айлық баласын жоғалтып алыпты деп хабарлады Оңтүстік Қазақстан облысы ІІД баспасөз қызметі.
„1985 жылы туған әйел мас болып, емшектегі сәбиін қайда тастап кеткенін білмей, оны таба алмай қалған. Оның айтуынша, баланы Қайнарбұлақ саяжай массивіне қалдырып кетуі мүмкін.
Баланың түр-сипаты: ұлты еуропалық, ер бала, бойы 65-70 см, шашы сары, дене бітімі орташа. Жеті айлық сәбидің қайда екенін білсеңіз, полицияға хабарласуларыңызды сұраймыз: 8-(7252)-47-60-02, 8-701-712-24-73 немесе 102„ делінеді баспасөз хабарламасында.