Шымкентте кішкентай баланы ұрып-соққан әйелге қатысты қылмыстық іс қозғалды
Шымкентте кішкентай бүлдіршінді ұрып-соққан әйелге қатысты қылмыстық іс қозғалды. Бұл мәліметті қалалық Полиция департаментінің баспасөз қызметі таратты, деп хабарлайды ҚазАқпарат.
«Бірінші жайт бойынша ҚР ҚК-нің 140-бабымен сотқа дейінгі тергеу амалдары жүргізілуде және аталған бапқа сәйкес екі жүз айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не бір жүз сексен (180) сағатқа дейінгі уақытқа қоғамдық жұмыстарға тартуға не алпыс тәулікке дейінгі мерзімге қамаққа алу жазасын қолдану көзделген. Әйелге қатысты тиісті сараптама тағайындалды» делінген хабарламада.
Айта кетейік, бұған дейін Шымкенттегі жұмыспен қамту орталығының әжетханасында кішкентай бүлдіршінді ұрып-соққан әйелдің бейнежазбасы тараған болатын.
Дәл осындай бейнежазбаны қала тұрғындары жол бойында да түсіріп, әлеуметтік желіге салған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе