Шымкентте белгісіз қарақшылар тура кинодағыдай ірі сомада ақша тасымалдап келе жатқан көлікті тонап кетті.
Қарақшылар «Ауди» көлігіне қасақана соғылып, одан кейін қорқытып-үркітіп 10 млн теңгесін алып тайып тұрған.
Оқиға шамамен кешкі сағат 20:00 Сеченов көшесінде орын алған, деп хабарлайды TVK телеарнасы. Жәбірленушілер – ірі сомадағы ақшаны тасымалдап келе жатқан сауда компаниясының қызметкерлері болып шықты.
Анықталғандай, «Ауди» көлігіне «Лада-Приора» келіп соғылады. Көлікке болмашы ғана зақым келсе де, «Ауди» жүргізушісі тоқтапты.
Сол-ақ екен, «Лада»-ның ішінен бір топ жігіт атып шығады, біреуінің қолында тапанша болған деседі.
Тапаншамен қорқытып, көлік ішіндегі бар ақшаны сыпырып алыпты.