Шымкент тұрғыны әйелін пышақтап тастап, әлеуметтік желіде видео мәлімдеме жасады
Шымкентте ер адам бұрынғы әйелін пышақтап тастаған. Содан кейін өз кінәсін толық мойындап, видеоға түсіріп, әлеуметтік желі арқылы таратып жіберген, деп жазды Otyrar.kz.
Сорақысы сол, бұл азамат бейнежазбада осы әрекетін күнә емес, керісінше, Алланың жолындағы міндетім деп мәлімеде қалдырған. Ал ауыр жарақат алған азаматшаның туыстары күйеу баласының айтып отырған айыптауымен келіспейді.
Айтуларынша, екі баланың анасы ешқандай жат ағымға кірмеген. Қазір пышақ жарақатын алған келіншек ауыр халде жан сақтау бөлімінде жатыр. Дәрігерлер әйелдің өмірімен күресуде. Бейресми мәліметтер бойынша күдікті азамат қамауға алынған. Бірақ бұл ақпаратты ІІД баспасөз қызметі растамады.
“Қызым ешқандай жат ағымға кірмеген. Қайта күйеу балам сектаға кіріп кеткен сияқты. Сақалын, шашын жалбыратып өсіріп алады. Қызымды ұрып-соғып келген. Екеуі бес ай бұрын ажырасып кеткен. Сонда да күйеу балам тыныштық бермеген. Ақыр соңы пышақтап кетті. Әділ жазасын алсын”, — дейді жәбірленушінің анасы Сандықыз Жақсылықова.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз