Шығыс Қазақстанда тағы да электр энергиясы тарифі қымбаттауы мүмкін
Энергия ең көп өндірілетін Шығыс Қазақстанда электр тарифы 4 пайызға қымбаттауы мүмкін.
Өскеменде монополист компания қоғамдық талқылауға осындай баға ұсынды деп хабарлады “Хабар-24” телеарнасы.
Электр қуатын сатушы мекеме ішкі шығындардың еселеніп, 900 млн теңгеге жеткенін желеу етіп отыр.
Алайда бүгінге дейін бір киловатт энергия үшін 12 теңге 43 тиын төлеп келген тұтынушылар болжаулы бағаға разы емес. Себебі электр тарифінің 5,5 пайызға қымбаттағанына көп уақыт өткен жоқ.
Уәжді ескерген монополияға қарсы органдар тұтынушылар құқығын да қорғауға мүдделі.
– Бізге біріншіден, энергияны таратушы мекеменің жұмысын тоқтатқаны қажет емес. Десе де мекеме шығындарының лайықты жұмсалуын да назарға алуға тиіспіз.
Мстислав Мартемьянов, энергетикалық компания бас директорының орынбасары:
– Қазіргі қолданыстағы тариф бойынша қаржылық жетіспеушілік байқалады. Өндірістік шығын мөлшері көбейді. Тіпті есептегіш қою бойынша абоненттік бөлімді толық жарақтай алмай отырмыз. Тарифті өсірудегі негізгі себептер осы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе