Швецияда белгісіз біреулер екі миллион араны ұрлап кеткен
Швецияда белгісіз біреулер екі миллион араны ұрлап кетті, деп хабарлады life.ru.
Порталдың мәліметінше, ұрылар ара балауызы мен мың литрден астам балды қолды қылған.
“Швецияның оңтүстігінде белгісіз біреулер екі ферманы тонап, елуге жуық ара ұясын алып кеткен. Жергілікті БАҚ мәліметтері бойынша, оқиға Эслёв қаласына жақын маңда болған. Ұрылар ұядан бөлек, балауызды және мың литрден аса балды ұрлаған”, – делінген жарияланымда.
Ферманың иесі Патрик Нильсен ұрылардың түскенін байқаған сәтте көршісіне қоңырау шалған, ол да тоналғанын айтыпты.
Айта кетейік, қазіргі таңда полиция тергеуді бастады. Алайда күдіктілер жоқ. Порталдың мәліметтері бойынша, Сконе облысында жыл сайын жергілікті омарташылардан 50-ден 100-ге дейін ара ұясы ұрланатын көрінеді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз