Шу маңында апатқа ұшыраған пойыз қандай жылдамдықпен жүргені белгілі болды
“Қазақстан темір жолы” ҰҚ” АҚ Басқарма төрағасы Қанат Алпысбаев премьер-министр Бақытжан Сағынтаевқа Шуда апатқа ұшыраған төтенше жағдай туралы баяндады.
Бұл туралы Tengrinews.kz хабарлады.
ҚТЖ басшысы премьер-министрге төтенше жағдайды тергеп жатқан комиссияның құрамына Қазақ көлік және коммуникация академиясының және Бүкілресейлік теміржол көлігі ғылыми институтының мамандары кіргенін айтты.
“Бұл жағдай пойыздардың рельстен шығу оқиғаларынан ерекшеленеді, себебі өзгеше техникалық көрсеткіштері бар: рельстердің бойында аралықтың болмауы және жолдың тіке бойында рельстен шығу. Бұл жердегі жол бөлігіне жасалған соңғы жоспарлы диагностиканың биыл 6 маусымда болғанын және ешқандай ескерту болмағанын атап өткен жөн. Бұл аралықта сағатына 100 шақырым жылдамдықпен жүруге рұқсат етілген, жолаушылар пойызының жылдамдығы сағатына 92 шақырым болған. Бұл аралықтағы жол, рельстер мен шпалдар өз нормативінің 60 пайызын ғана орындады”, – деді Алпысбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе