Сұлулардың арманына айналған Тәуекел Мүсілім қоңырқай күзді шетелде өткізуге бел буды. Танымал актер дәл қазір достарымен бірге Англия астанасы Лондонда саяхаттап жүр.
Бұл туралы Stan.kz хабарлайды.
Әлеуметтік желіде белсенділік танытып, өміріндегі және шығармашылықтағы жаңалықтарымен жиі бөлісіп отыратын актер бұл жолы да әдетінен жаңылған жоқ. Ол сәт сайын сапарының қызықтарымен бөлісіп, қызықты посттар жариялауда.
Атап өтетін жайт, Тәуекел қай елге барса да уақытын көңілді өткізуге тырысады. Естеріңізде болса, Мальдив аралдарына сапарлаған кезде Тәуекел қырғызстандық актер інісі Азамат Ұлановпен би билеп, жұрттың көңілін көтерген болатын.
Бұл жолы Тәуекел қазақтың ұлттық биіне таңдау жасапты. Ол шетелдегі достарымен бірге Лондон көшесінде “Қара жорға” биін билеп, жұртты сүйсіндірді.
“Шотландский қара жорға болды”, – деп жазды Тәуекел би қимылдарын аздап өзгертіп алғанын аңғарып…
Айта кетейік, бұған дейін Тәуекел актерлік шеберлігін шыңдау үшін күз мезгілінде АҚШ-қа аттанатынын айтқан еді.