ШҚО-да сары аурудың таралуына байланысты бас дәрігер қызметінен босатылды
Үржар аудандық ауруханасының бас дәрігері Жексенбай Тілеубердин сары аурудың таралуына байланысты қызметінен босатылды, деп хабарлайды Шығыс Қазақстан облысы коммуникациялар қызметі.
Бас дәрігер жұмысына салғырттық танытқанын мойындап, халықтан кешірім сұрады.
Бұдан бұрын Шолпан ауылында 12 адамның гепатит А дертіне шалдыққаны туралы белгілі болған. 2017 жылдың қыркүйегінде бірінші науқастың дерті анықталғанда дәрігер қызмет орнында болмай, орта деңгейлі медициналық қызметкерлер емдеу шарасын жүргізген екен.
Облыстың денсаулық сақтау басқармасының бастамасы бойынша, медициналық қызмет көрсетудің сапасы мен қаржылық-шаруашылық жағын тексеретін арнайы комиссиялар құрылды.
Шолпан ауылына облыстық балалар дәрігері мен Семейдің бас жұқпалы аурулар дәрігері арнайы жұмыс тобының құрамымен жіберілді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз