Шешенстандағы қастандықты лаңкестік топ өз мойнына алды
Шешенстанда жасалған қастандықты “Ирак және Левант лаңкестік тобы” мойнына алды, деп хабарлады Хабар 24.
Сенбі күні 4 қаскөй Грозный қаласындағы шіркеуге шабуылдап, салдарынан 3 адам қаза тапқан еді. Оның екеуі – тәртіп сақшысы, біреуі – шіркеуге келуші. Тағы екі кісі жарақат алған.
“Атыс кезінде шіркеуде едім. Дереу есікті жабуға бұйрық бердім. Бұған қарамастан, қаскөйлер есікті жұлқылап, оқ жаудыра бастады. Сол сәтте оқ шіркеуге келушілердің біріне тиіп, ол сол бойда көз жұмды”, — дейді шіркеу қызметшісі.
“Олар шіркеуге кіріп, шіркеуде жұмыс істейтін тәртіп сақшысын өлтірген. Ғимарат ішінде болған дәрігер жарақат алды. Қылмыскерлерді байқап қалған мамандар тез арада оқиға орнына жетіп келіп, оларды жер жастандырды”, — деп атап өтті Шешенстан Республикасының президенті Рамзан Қадыров.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе