“Сенбейсің бе, қара!”. Қызымен ұрсысып қалған жігіт көліктің астына түсті (видео)

Өскеменде сүйікті қызымен ұрсысып қалған жігіт жүріп келе жатқан көлікке қарай жүгірді.

Жол-көлік оқиғасының видеосы көшедегі бейнебақылау камерасына түсіп қалған, – деп хабарлайды YK-avto.kz қалалық ІІБ-нің баспасөз қызметіне сілтеме жасап.

Оқиға 21-желтоқсанда сағат 10.20-да Октябрьский көшесінде болған. 1999 жылғы жігіт қызымен келе жатқан. Арада кикілжің туып, жігіт қызын көлік астына түсемін деп қорқытқан. Қыз оның сөзін елемей, жолдың арғы бетіне өтіп кетеді. Ал бергі бетте қалған жігіт оған айқайлап, өзіне жақындап қалған Lexus көлігін көріп тұрса да жолға шыға салады.

“Зардап шеккен жігіт миы шайқалып, бассүйек-ми жарақатын алған, ол ауруханаға жеткізілді”, – деп хабарлады ІІБ өкілдері.