Семейде өзгенің атынан несие рәсімдеген алаяқтар ұсталды
Семейде өздерін құрылыс мекемесінің өкілімін деп таныстырып, құрылысшыларды сан соқтырған екі азамат ұсталды. Олар жұрттың құжаттарының көшірмесін жұмысқа орналастырамыз деп жинап, артынан солардың аттарынан онлайн несие рәсімдеп алған болатын. Бұл туралы КТК хабарлайды.
Бүгінде, 31-34 жастағы азаматтардан 60-тан астам құрлысшының алданғаны белгілі болып отыр. Алаяқтардың несие арқылы қалталарына басқан қаражаттары да қомақты. Ол 1 жарым млн теңгені құрайды.
Алайда полиция қызметкерлері іс әлі тергеліп жатқандықтан, аладанғандардың қатары бұдан да артып кетуі мүмкін екенін айтты. Себебі, құжаттарын өткізген бір топ құрылысшы қарыздарын шағын несие компаниялары хат жолдап, хабарласқанда бір-ақ білген еді. Әрқайсысының атынан шамамен 100 мың теңгеден асатын қарыз алған. Қазір, жәбірленушілердің несиедегі үстеме пайызы тоқтатылыпты.
“Мына, микрокредитный организацияларға хат жіберілді. Кісілердің ұсталғаны туралы. Сот шешімімен олардың берешегі жабылатын болады”, – деді Семей қалалық ІІБ бастығының орынбасары Мақсат Зекенов.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз