Саяжай иелері Алматыдан шыға беріс жолда ұзын сонар кептеліс қалыптастырды

Желіде Алматыда шығар беріс жолда қалыптасқан ұзын сонар кептелістің видеосы пайда болды. Қаскеленге бара жолда жиналған машиналарға қатысты полиция түсініктеме берді. Бұлар қаладан шығып, Алматы облысында саяжайларына барғысы келген халық.

Алматыдағы полиция департаменті расымен де 29 сәуір күні таңертең Жандосов көшесінің бойымен батыс бағытта көлік құралдары жиналып қалды деп түсініктеме берді.

«Көптеген адамдар Алматыдан облысқа қарай, өздерінің саяжайларына жол тартты. Полиция тарапынан құқық белгілеуші құжаттарды тексеру, санитарлық қызмет бағыты бойынша сауалнамаларды толтыру үрдісі белгілі бір уақыт алды. Штатты режимде барлығы реттелді, қазіргі сәтте трасса ашық», — деп түсіндірді Алматы ПД ресми өкілі  Салтанат Әзірбек.