Бүгін көптен күткен бокс жекпе-жегінде жерлесіміз Геннадий Головкин мен мексикалық Сауль Альварес Лас-Вегаста жұдырық түйістіріп, 12 раунд бойына күш сынасты.
20 мың адамға арналған T-Mobile алаңында ине шаншар жер болмады. Жекпе-жек алдында алдымен Қазақстанның, содан Мексиканың, одан кейін АҚШ-тың әнұрандары жанды дауыспен шырқалды.
Әлем чемпионатының 4 бірдей титулының иегері, 35 жастағы, орта салмақтағы Геннадий Головкин осы – WBC, WBA (Super), IBF және IBO титулының барлығын бәске тігіп, сарапқа салды. Сонысымен де бұл кеш әлем көрермендері үшін қызықты болды. Кеш Америкада түнде өткенімен, ол Астана уақытымен таңғы 08.50 уақытында тікелей эфирден беріле бастады.
12 раунд бойына күш сынасқан екі боксшы тең түсті. Қазылар шешімі осылай болды. Альварес: “Бұл дұрыс емес” деп қатты мөңкіді. Бірақ қазылар шешімі өзгеріссіз қалды. Ең соңында Головкин мен Альварес қайта беттесуге сөз байласты.
Айта кетелік, ұ”йымдастырушылдармен болған арадағы жанжалдан соң 27 жастағы Альварес WBC белбеуіне таласа алмайтын болып шешілген. Жекпе жек алдындағы салмақ өлшеу кезінде екеуінің де салмағы бірдей болып шықты.
https://www.youtube.com/watch?v=53ffxQuErsE