Сара Назарбаева 77 жасқа толды
Бүгін, 12 ақпанда Қазақстанның бірінші ханымы Сара Назарбаева 77 жасқа толды, деп хабарлайды Baq.kz ақпарат агенттігі.
Сара Алпысқызы 1941 жылы 12 ақпанда Қарағанды облысы Бұқар жырау ауданына қарасты Қызылжар ауылында дүниеге келген. 1962 жылы оқуын тәмамдаған соң, Нұрсұлтан Назарбаевқа тұрмысқа шығады.
Қазақстан президентінің жұбайы Дариға, Динара және Әлия есімді үш қыз тәрбиелеп өсірді.
1992 жылы Сара Назарбаева «Бөбек» қайырымдылық қорын ашты. Ондағы мақсаты – жетім балаларға қамқорлық көрсету. Бірінші ханымның бұл саладағы еңбегіне халықаралық ұйымдар жоғары баға берді. Ол әлемдік денсаулық сақтау ұйымының халықаралық Исхан Дограмачи премиясына, әрі БҰҰ балалар қорынының медаліне ие болды.
Айта кетейік, ҚР Білім және ғылым министрлігі Сара Алпысқызының туған күнінде елдегі барлық білім беру мекемелерінде оқу күні «Өзін-өзі тану» сабағы өтетінін хабарлаған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе