Samsung компаниясының басшылары ауыр дертке шалдыққан науқас қызметкерлерінен кешірім сұрады.
Компания басшысы Ким Ки Нам өз компаниясының қатерлі ісік тудыруы мүмкін химикаттармен жұмыс істеудің жұмысшыларына қаншалықты қаупті екенін, одан қорғанудың қамын жасауды ескермегені үшін кешірім сұрады.
“Біз ауруға шалдыққан қызметкерлерден, сондай-ақ, олардың туыстарынан кешірім сұраймыз”, – деді Ким Ки Нам.
Бірінші рет бұл мәселе 2007 жылы көтерілген болатын. Сол кезде 23 жастағы қызметкер лейкемиядан қайтыс болған еді. Ал 2018 жылдың қарашасында Samsung зардап шеккен әр қызметкерге 132 мың доллар төлеуді міндеттеген болатын.