Солтүстік Қазақстан облысы әкімі Құмар Ақсақалов Канн фестивалінде марапатқа ие болған актриса Самал Еслямоваға Петропавлдағы үш бөлмелі пәтердің кілтін табыстады.
Бұл туралы Sputnik.kz хабарлады.
Бейсенбі күні облыстық әкімдікте Самал Еслямовамен кездесуге актрисаның туған-туыстары, ұстаздары, өзі оқыған өнер колледжінің студенттері жиналды.
“Біздің еліміздің және ТМД мемлекеттерінің бірде-бір актері мұндай жоғары марапатқа ие болған жоқ. Қазақстанның тумасы – фильм режиссері Сергей Дворцевоймен бірге жеткен жетістігің – қазақстандық киноиндустрияны дамыту және насихаттау саласында келер ұрпақ үшін үлгі”, — деді Ақсақалов.
https://kaz.365info.kz/khazakhstandykh-aktrisa-kann-festivalinde-yzdik-ajel-roli-yshin-zhylde-aldy-315763
Актриса өңір басшысы мен жиналғандарға ыстық ықыласын білдірді.
“Ата-анама, ұстаздарыма, менімен осынау қуанышты бөліскен бүкіл солтүстік қазақстандықтарға алғысым шексіз. Туған үйіңде ерекше сезімге бөленесің… Мен сондай бақыттымын”, — деді Еслямова.
Солтүстік Қазақстан тумасы Самал Еслямова “Айка” фильмінде ең үздік әйел рөлін сомдағаны үшін Канн фестивалінің сыйлығына ие болған.
https://kaz.365info.kz/yzdik-ajel-roli-yshin-zhylde-algan-samal-eslamova-zhurnalist-bolgysy-kelgen-316041