Сәбидің денсаулығына салғырт қараған аурухана басшысы жұмыстан қуылды
Сәби өліміне әкеп соқтырған жағдайға қатысты тексеріс жүргізген Алматы облысы Жамбыл аудандық денсаулық сақтау саласы мамандары осылай деп отыр. Сондай-ақ, Қазыбек би ауылдық ауруханасының педиатрына қатаң сөгіс жарияланған, – деп хабарлайды КТК арнасы.
“Қанатбай Ұлар есімді сәбидің ауырғаны мен өлгеніне қатысты ресми тексеру жүргізілді. Басшылық ем-дом көрсетпеген педиатрды жұмыстан қуу туралы шешім шығарды. Алайда, ауыл тұрғындарының өтініші бойынша орнында қалып, қатаң сөгіс жарияланды. Қазіргі таңда дәрігерді оқуға жібердік. Ал ауылдық аурухана басшысы жұмыстан қуылды”, – дейді Жамбыл аудандық орталық ауруханасының педиатры Гүлзада Ошақбаева.
Осы оқиғадан кейін бас дәрігері ауысқан ауылда қазіргі таңда дәрігерлік бақылау күшейіпті. Барлық балалар топтарға бөлініп, диспансерлік бақылауға алынған. Тіпті, дәрігерлер шақырусыз-ақ үй-үйді аралап балалар денсаулығын тексеруге кіріскен. Айта кетейік, бір ай бұрын Алматы облысында бір жарым жастағы сәби дер кезінде дәрігер көмегін ала алмай шетінеп кеткен болатын. Осы жайтқа қатысты аудандық денсаулық сақтау бөлімі қызметтік тексеріс жүргізген еді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз