Рио-2016: XXXI жазғы Олимпиада ойындарының алауы жағылды
Рио-де-Жанейродағы Маракана стадионында XXXI жазғы Олимпиада ойындарының алауы жағылды.
Олимпиаданың ресми салтанатты рәсімі отандық телеарналардан трансляцияланды.
Алауды 2004 жылғы Афина Олимпиадасының қола жүлдегері, марафоншы Вандерлей Кордейру жақты.
Осыған дейін Олимпиада алауын «футбол перісі» Пеле жағады деп келген болатын. Бірақ аты аңызға айналған бразилиялық футболшы денсаулығына байланысты Рио Олимпиадасының салтанатты шарасына қатыса алмайтындығын айтыпты.
Рио Олимпиадасына 28 спорт түрінен 206 мемлекет пен босқындар командаларынан 10 мыңнан астам спортшы қатысады. Байрақты бәсекеде 306 медаль жиынтығы сарапқа салынады.
XХXI жазғы Олимпиада Рио-де-Жанейро қаласында 5-21 тамыз аралығында өтеді.
Олимпиада кезінде еліміздің намысын 26 спорт түрінен 104 спортшы қорғайды.
Жарысты отандық үш телеарна көрсетеді: «Kazsport», «Хабар» және «Қазақстан».
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе