“Ресейлік ұлт” туралы заңға орыстардың өзі қарсы шықты
Біртұтас ресейлік ұлт туралы заң жобасының атауын қоғам салқын қабылдағанына байланысты өзгертетін болып шешті, деп хабарлады “Коммерсантъ” газетіне құжатты дайындау жөніндегі жұмыс тобының жетекшісі Валерий Тишков.
Заң жобасының жаңа атауы – “Мемлекеттік ұлттық саясаттың негіздері туралы”. Тишковтың айтуынша, осылай өзгертілгені дұрыс болады.
Біртұтас саяси ұлт тұжырымдамасына ұлттық республикалардың өкілдері қарсы шықты. Олар ресейлік ұлт түбінде орыс ұлты болып кетеді деп қауіптенеді. Казактар құжатта мемлекеттің негізін қалаушы орыс ұлтының рөлін ескеруді талап етсе, Орыс православ шіркеуі “орыс әлемінің” тағдырына алаңдаушылық білдірді.
Заңның жаңа тұжырымдамасы 2017 жылы сәуірде ұсынылады. Тишковтың айтуынша, заң жобасында негізгі түсініктемелер беріліп, федералдық және жергілікті билік құзыреттері шектеледі, сондай-ақ этноконфессиялар қарым-қатынасына бақылау жүйесі енгізіледі.
Заң жобасын 2017 жылдың 1 тамызына дейін дайындауды Ресей президенті Владимир Путин тапсырған еді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз