2019 жылы Мәскеуде көркем гимнастикадан Гран-при бірінші кезеңінде рейсейлік Александра Солдатова қазақстандық әнші Димаш Құдайбергеннің “Любовь уставших лебедей” әніне өнер көрсетті. Бұл туралы қазақстандық әншінің өзі Instagram желісіндегі парақшасында бөлісті.
“Сізге сәттілік алып келеді деген үміттемін. Үлкен жеңістер тілемін”, – деп жазды Димаш Құдайберген спортшының өнер көрсетіп жатқан видеосынан үзінді жариялап.
РИА Новости мәліметінше, көркем гимнастикада топтық жаттығулар бойынша Ресей құрамасы Мәскеуде өткен Гран-при кезеңінің көпсайысында алтын медальды жеңіп алған. Ресейлік гимнастшылар үздік нәтиже көрсеткен – 43,850 ұпай. Екінші орын – Жапония құрамасы (39,500), ал үшінші орында Өзбексан командасы (37,550).