Тергеу комитеті Ресейдің Кемерово қаласындағы «Зимняя вишня» сауда үйінен шыққан өрттен 37 адам ажал құшқанын нақтылады, деп хабарлайды ТАСС-қа сілтеме жасаған Қазақпарат.
«Қазіргі уақытта Кемерово қаласындағы сауда үйінде болған өрттен 37 адамның қаза тапқаны нақтыланды» деп хабарлайды ведомство телеграм-каналда.
Бұған дейін өрт сөндіру жедел штабы да 37 адамның ажал құшқанын мәлім еткен болатын.
Одан бөлек тағы 43 адам жапа шеккен. Өрт сауда үйінің соңғы 4-қабатынан шыққан.
Ғимараттан 20 адам құтқарылды, тағы 100 адам қауіпсіз жерге шығарылды.
Соңғы мәлімет бойынша, тілсіз жау ауыздықталған. Өрт 1,5 мың шаршы метр аумақты шарпыған.
Суретті түсірген Данил Айкин/ТАСС