Ресей зымыранның құлауы салдарынан өртенген жер үшін тағы өтемақы төлемейтін болды.
Себебін “Роскосмос” бұл жолы түсіндіріп те әуре болған жоқ. Олардың орнына Қазақстанның Қорғаныс және аэроғарыш өнеркісібі министрі мәлімдеме жасады,-деп жазды КТК арнасы.
«Жалға алуға байланысты келісім-шарттағы бағасының ішінде бар. Жанған шөп қана ғой даладағы. Былайша айтқанда оқыс оқиға болған»,-дейді ҚР Қорғаныс және аэроғарыш өнеркәсібі министрі Бейбіт Атамқұлов.
Яғни, Атамқұловтың айтуынша, мұндай апат жағдайындағы шығындар, келісім шарт бойынша жалға алғаны үшін төленетін сомаға кіреді екен. Тек, ресейлік компания марқұмның отбасына қаржылай көмек көрсетуге келісіпті.
Күннің ыстығы мен қатты желден от тұтанып 10 мың гектер жер өртенді. Осының кесірінен сол аумақта жұмыс жасап жүрген «Роскосмосқа» қарасты мекеменің екі жұмысшысы да қызыл жалын ішінде қалып қойған еді. Олардың бірі тірідей жанып кетсе, екіншісі ауруханаға түскен болатын.