Нұр-Сұлтан
Қазір
7
Ертең
11
USD
432
+2.31
EUR
506
+3.43
RUB
5.52
+0.10

Qazkom директорлар кеңесіне жаңа төраға келді

ҚКБ-ның Директорлар кеңесінің жаңа құрамы банк акционерлерінің 31 шілдедегі кезектен тыс жалпы жиналысының шешімімен сайланған болатын. Арман Дунаевпен бірге банктің басқару органына Сәуле Кішкімбаева, бас акционердің өкілі – Әлия Қарпықова, тәуелсіз директорлар – Азамат Жолдасбеков пен Асқар Елемесов, сондай-ақ ҚКБ-ның басқарма төрағасы лауазымындағы Ульф Вокурка кірді.

“Мен үшін бұл үлкен құрмет әрі жаңадан даму кезеңінде елдің жүйеқұрушы банктің бірінде Директорлар кеңесін басқару үлкен кәсібилікті қажет етеді. Мемлекеттің қолдауы мен банктің негізгі акционерін алмастыру шаралары банкте жинақталған көптеген мәселелерді шешуге мүмкіндік береді. Қазіргі уақытта біздің алдымызда маңызды мақсат-міндет тұр ол – Қазкоммерцбанктің корпоративтік басқару жүйесін халықаралық үздік тәжірибелер мен Halyk Group қағидаттарына сәйкес келтіру және қаржы институты дамуының жаңа стратегиясын жасау”, – деді өз сөзінде Дунаев мырза.

Арман Ғалиасқарұлы Дунаев – тәжірибелі әрі кәсіби қаржыгер, экономика ғылымдарының кандидаты. Мемлекеттік және жеке сектор, сондай-ақ қаржы нарығындағы жұмыс тәжірибесі мол. Тәуелсіз директор ретінде Halyk Group тобының бірқатар компанияларының Директорлар кеңесінің құрамына кіреді: “Қазақстанның Халық Банкі” АҚ, “Halyk Finance” АҚ және “Халык-Life” АҚ. “Altyn Bank” АҚ (“Қазақстанның Халық Банкі” АҚ ЕБ) Директорлар кеңесін басқарады.

Осыған дейін Кеңес Рақышевтың Qazkom директорлар кеңесі құрамынан мерзімінен бұрын босатылғаны жайлы хабарланған болатын.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз