Путин мінетін Ил-96-300 ұшағы жөндеуді қажет етеді екен, деп жазады Lenta.ru.
Ил-96 ұшағының қанаты майысып, стабилизаторында ақаулықтар бар екен. Борттың жөндеуіне 80 миллион рублден аспайтын ақша төленбек.
Бұл ұшақты Владимир Путин көбінесе шетелге жасайтын сапарларында пайдаланады екен. Соңғы рет осы ұшақпен Берлин мен Қытайға барған көрінеді.
Бірақ Ресей президентінің баспасөз хатшысы Дмитрий Песковтың айтуынша, Путин ұшағым жарамайды екен деп ешқайда ұшпай, Кремльде отыра бермейді. Оның резевтегі тағы бір ұшағы бар екен.
Айта кетсек, 2016 жылдың қараша айында Перудегі саммитке бара жатқан журналистер мен Ресей делегациясы мінген Ил-96 ұшағы жанармай құю үшін Лиссабонға қонып, сол жерде бұзылып қалған. Сол кезде де жолаушыларды басқа ұшаққа мінгізіп жіберуге мәжбүр болған.