Путин ресейлік хакерлерді «патриот» деп ақтады

3 маусым 2017, 14:00

Путин ресейлік хакерлерді патриоттық сезіммен желілік шабуылдарға тойтарыс беріп отыр деп ақтады. Олар Ресейге жазықсыз жала жапқаннан кейін заңды түрде жауап берді деді. Бірақ, бұл “отансүйгіш хакерлерді” Кремль тарапы үкіметтік деңгейде желілік шабуыл ұйымдастырған жоқ деді.

Конференциядағы шетел журналистері Ресейдің «патриот хакерлері» алдағы уақытта Германияда өтетін сайлауға араласуы мүмкін бе деген сұрақ қойды.

Путин: «Кибер шабуылшылар кез-келген технологиялардың көмегіне сүйенуі мүмкін. Бірақ біз үкімет тарапынан ондай нұсқаулар мен қолдаулар білдірмейміз», – деді.

АҚШ Қорғаныс департаменті осыған дейін Ресейдің кибер шабуылшылары 2016 жылғы АҚШ президент сайлауына кедергі келтірді деп келді. Алайда, Кремль тарабы бұл айтылғандарды жоққа шығарып келеді. Ал, АҚШ қорғаныс департаменті мен Федералдық және Орталық барлау басқармасы Ресейдің сайлауға араласқаны туралы тексеруді бастап кетті. Бұл мәселе Трамп таққа шыққаннан кейін де екі ел арасындағы қарым-қатынастың салқындығына себеп болып келеді.

Дереккөз: qazaqtimes.com