«Праваны кім сатты?». Павлодарда көлігін жүргізе алмаған әйел үш мәшинені соқты
Павлодарда қала тұрғыны, К есімді әйелге қатысты әкімшілік іс қаралды, дейді inform.kz.
Ол әйел – «Toyota RAV4» көлігінің жүргізушісі екен. 13 қыркүйекте Павлодар қаласында
өзінің мәшинесіне мініп алып, Суворов көшесінде көлік тұрағынан артқа қарай қозғалу барысында алдымен «Toyota Carina» машинасын, содан кейін «Toyota Camry»-ді соққан. Ол аздай, одан ары қозғалуын жалғастырып, «Toyota Avensis» автомобилін де жапырып кеткен.
Салдарынан көлік құралдары зақымданып, әлгі үш көлік иелеріне кәдімгідей материалдық шығын келді.
Сот қаулысымен К, Әкімшілік құқық бұзушылық туралы Кодексінің 610-бабының 1-бөлігінде қарастырылған құқық бұзушылықты жасағаны үшін кінәлі деп танылып, оған 10 айлық есептік көрсеткіш мөлшерінде айыппұл салынды.
Қаулы заңды күшіне енген жоқ.
https://kaz.365info.kz/rahmet-papochka-zhyrguzishi-kualigin-satyp-algan-khyz-makhtandy-253808
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе