Таразда 45 жастағы азаматтың 8 жасар перзентіне жәбір көрсеткені дәлелденіп, азғын енді 17 жылын түрмеде өткізетін болды.
Ұдайы мас боп жүретін азғын «әке» 11 және 12 жастағы екі қызын да бірнеше мәрте тартқылап, зорламақ болған. Бұл факті бойынша жергілікті полицияға арыз да түскен. Алайда құқық саласы дәлел жеткіліксіз дегенді сылтау етіп, қылмыстық іс ашпаған деп хабарлады КТК телеарнасы.
– Сот барысында азаматтық талап берілді. Әйелі қызым жанкүйзелісіне ұшырады деп, моральдық ақыға 2 млн теңге талап етілді, оның 1,5 млн теңгесі ішінара қанағаттандырылды.
Сұмдық оқиға өткен жылы қыркүйекте болған. Үйде төрт баласымен қалған педофил, үшеуін далаға қуып жіберіп, 8 жастағы қызын өзімен алып қалады. Сөйтіп оған ойына келгенін істеген. Оның жанұшыра шыққан дауысын естіген іні-әпкелері сырттан кіргенде, қыздың қансырап жатқанын көреді. Шошынған балалар анасына хабар беріп, артынша тәртіп сақшыларын шақыртқан.
Белгілі болғаны, ерлі-зайыптылар ажырасқан екен. Бірақ бір шаңырақтың астында тұрып жатқан. Ұдайы мас боп жүретін азғын, 11 және 12 жастағы екі қызын да бірнеше мәрте зорламақ болыпты. Алайда ол кезде полицейлерге арыз жазылғанымен, дәлелін таппаған.