Жамбыл облысында болған темір жол апатының салдарынан діттеген жеріне жете алмаған жолаушыларға билеттер қайтарылып, материалдық көмек көрсету қарастырылған.
Ал темір жол апатында көз жұмған баланың жанұясы 2 миллион көлеміндегі жәрдемақы алмақ деп хабарлайды КТК телеарнасы.
Жамбыл облысында болған темір жол апатының себебін арнайы комиссия тексеруге кірісті. Тіпті Ресейден арнайы мамандар шақырылған. Пойыздың машинисі қамауға алынды.
“Қазақстан темір жолы” басшылығы сол күні пойызға мінген жолаушыларға ақысын қайтарып береміз дейді. Бірақ əзірге 800 жолаушының тек 76-сы билет ақысын қайтарып алыпты.
Қаза тапқан баланың отбасына 2 млн теңгеден астам жәрдемақы төленетін болды. Сондай-ақ зардап шеккендерге де 500 мың теңгеден 1 миллион теңгеге дейін материалдық көмек қарастылған.