“Полиция қайда қарап жүр?”. Петропавлда екі күн атыс болды (видео)

“Ол шалбарының ішінен тапаншаны алып шығады да, құдды тышқандарды өлтіріп жүрген адам сияқты атып тастайды. Сөйтеді де, түк болмағандай кете береді”, – дейді Ерболдың әкесі Ғалымкерей Құсайынов.

Жақындарының сөзінше Ерболды екінші күні сөзбе-сөз әңгімеге шақырып, бірақ бұл жолы пневматикалық тапаншамен аяғынан атқан. Оған қоса жуан таяқпен соққының астына алып, жалғыз жігітке үшеуі бас салған. Ауыр халде ауруханаға түскен Ерболға тез арада ота жасалып, өмірін аман сақтап қалған.

“Сол жақ аяғын кесіп алып тастауға тура келді. Өйткені, аяғы жансызданып кеткен. Қанды көп жоғалтқан. Ес-түссіз жатыр”, – дейді №1 қалалық аурухананың бас дәрігері Галина Мәметова.

Қазір полиция іске қатысты үш адамды ұстаған. Ал туыстары нағыз оқ жаудырған азамат бостандықта жүр дейді.