Перудің экс-президенті мен оның әйелі қамауға алынды
Перуде бұрынғы президент пен оның әйелі бір жарым жылға қамауға алынды, деп хабарлайды 24.kz.
Ольянта Умала мен оның жары ақшаның ізін жасыру және жемқорлық дерегі бойынша айыпталып отыр.
Тергеу мәліметіне сай, Умала мырза бразилиялық «Одебрехт» компаниясынан 3 миллион АҚШ долларын алып, оны сайлауалды науқанына жұмсаған. Ал әйелі басшылық еткен партияны осы бразилиялық компания мен Венесуэла үкіметі заңсыз қаржыландырған болуы мүмкін.
Алайда айыпталушылар мұның бәрін жоққа шығарып отыр. Негізі тергеу амалдары аяқталғанша ерлі-зайыптыларды қамауға алу туралы прокурорлар сұраған. Себебі олардың елден қашып кетуінен күдіктенген.
Айта кетсек, Ольянта Умала Перуді 2011-2016 жылдар аралығында басқарған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз