Педагогикалық білімі жоқ тәрбиешілерді жұмыстан шығарып жатыр
Өзбекстандағы балабақшаларда наурыз айының басынан бері тексеру жүріп жатыр, соның нәтижесінде арнайы педагоикалық білімі жоқ тәрбиешілер жұмыстан шығарылады. Республикалық балабақшаларға енді дипломы барлар ғана қабылданады.
Республикада мектепке дейінгі мекемелерде аттестация өткізу шарасы Сұрхандария облысындағы 23 балабақшада “бордель” ұйымдастыру қылмысы ашылған соң қолға алынды. Білім министрлігі қызметкерінің айтуынша, тексеру кезінде тәрбиешілердің кәсіби дайындығына ерекше көңіл бөлінеді.
36 жастағы тәрбиешінің айтуынша, тексеруші топ оны педагогикалық білімі жоқ болуына байланысты жұмыстан шығарған. “Мен 14 жыл тәрбиеші болып жұмыс істеймін. Олар дипломым жоқ болғандықтан мені жұмыстан шығарды. Менің жұмыс өтіліме де қараған жоқ”, – деп арызданды балабақшаның бұрынғы тәрбиешісі.
Еске салайық, Сұрхандария облысының Денау ауданындағы бір балабақшада тәрбиешілердің баланы ұрып-соққаны түсірілген видео Интернетте тарады. Бұл балабақшада түнде “бордель” ұйымдастырылатыны анықталды. Осы оқиғадан соң облыстағы 290 мекеме тексеріліп, 23 балабақшада интим-қызметі көрсетілгені әшкереленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе