Павлодар тұрғыны отбасы мүшелерімен бірге Кемероводағы «Зимняя вишня» орталығында мерт болды, деп хабарлайды Қазақпарат.
Павлодар-Водоканал ЖШС-нің жұмысшысы 57 жастағы Марина Баранова қызы Наталья Усинова, немересі 4 жастағы Ульяна Устиновамен бірге өртте қаза болды.
«Өртте менің әпкемнің сыныптасы көз жұмды. Ол 16-лицейде оқитын. Наталья үзік оқушы болды. Лицейді қызыл дипломмен бітірді. Ол өртте қызымен бірге көз жұмды», – деп жазады мектеп түлегі Вероника Гончарук.
Марина Баранованың тағы екі немересі Артем мен Арина да өрт кезінде мерт болған болуы мүмкін деген болжам айтылды.
Естеріңізге сала кетейік, 25 наурыз күні Ресейдің Кемерово қаласында «Зимняя вишня» сауда үйінде өрт шығып, соңғы деректерге сәйкес 64 адам қаза тапты. Мемлекет басшысы Нұрсұлтан Назарбаев Ресей Федерациясының Президенті Владимир Путинге көңіл айту жеделхатын жолдаған болатын.