Кеше кешкісін республикалық маңызы бар Павлодар-Омбы тас жолында ірі жол-көлік оқиғасы болды.
Қызылтаң ауылының маңында бірден сегіз көлік соқтығысқан деп хабарлады “Хабар-24” телеарнасы.
Кеше облыс аумағында ақ түтек боран соғып, қатты жел тұрған. Соның салдарынан үш жүк көлігі мен екі Газель және үш жеңіл көлік соқтығып қалған. Абырой болғанда адам шығыны жоқ. Түрлі жарақат алған екі адам №1 Павлодар қалалық ауруханасына жеткізілді. Қазір жағдайлары жақсы,- дейді мамандар.
Нұрлан Қасымов, реаниматолог-дәрігер:
– Мен бұл жерде жедел медициналық көмек көрсететін қызметкерлердің еңбегін ерекше атап өтер едім. Оқиға орнына шұғыл жеткен білікті мамандардың арқасында зардап шеккендер аман қалды. Қазір олардың жағдайлары қалыпты деңгейде.