Нұр-Сұлтан
Қазір
0
Ертең
6
USD
432
+2.31
EUR
506
+3.43
RUB
5.52
+0.10

Павлодар облысында студент желіде тікелей эфирге шыққан қыз үшін көз жұмды

Өткен жылдың 29 қазанында студент оқуға кетуіне бір күн қалғанда достарымен көңіл көтеру үшін түнгі клубқа барады. Жігіттер өздерінің таныс үш қызын ертіп шыққан. Таңғы төрттің шамасында қыздар үйіне кетпек болған, сол кезде Тимурдың досы танысына қоңырау шалып, қыздарды үйіне жеткізіп салуды өтінеді, ол келісімін берген. Жастар көлікке отырғанда, қыздардың бірі Instagram-да тікелей эфирге шығады.

Үйінде ішкілік ішіп отырған павлодарлық Мадияр эфирге шыққан өзінің танысы екенін байқап қалған. Ол қызға қоңырау шалып, түн ортасында қыдырып жүргеніне ашуланған. Қыз үйге бара жатырмын деп жауап береді. Осы кезде жүргізуші қыздан қоңырау шалған кім екенін және неліктен біреудің шаруасына араласып жатқанын сұрайды. Бәрін естіп тұрған Мадиярға бұл ұнамай қалған. Жүргізуші мен Мадиярдың таныс қызының арасында жанжал шығып, қыз жарты жолда құрбыларымен бірге көліктен түсіп қалады.

Алайда бәрі мұнымен бітпеген. Мадияр таныс қызынан жігіттердің нөмірін алып, жүргізушіге қоңырау шалып, қыздарды жеткізіп салмағаны үшін балағаттайды. “Мәселені” шешу үшін үйіне шақырады. Көлік иесі бұл туралы қалған жолаушыларға айтып, оның ауласына келеді.

Мадияр, кейіннен тергеуге түсіндіргендей, “дұшпандарын” қорқыту үшін үйден бәкі алып шыққан. Телефонда шыққан жанжал аулада жалғасады. Көлік жолаушылары да сыртқа шығып, ерегісті сырттай бақылап тұрады. Осы кезде жанжал шығарушының бір сөзіне Тимур күліп жіберген. Бұған ашуланған Мадияр көлік иесімен араздасқанын ұмытып, студентке тұра ұмтылады.

Прокурордың мәліметінше, Мадияр кенеттен оның мойны мен кеудесіне пышақ салған. Тимур қорғанған. Оған жігіттердің бірі көмекке келіп, Мадиярды аяғынан шалып құлатып, тепкілеп тастайды. Алайда Мадияр жігіттердің көлікке бара жатқанын көріп, Тимурға қайта ұмтылып, иығы мен қолын жарақаттайды. Ол көлікке отырмақ болғанда арқасынан тағы бір рет нұқып қалады.

Жігіттер зардап шегушіні ауруханаға жеткізген, алайда дәрігерлер оның өмірін арашалап қала алмады.

Мадияр “Кісі өлтіру” бабы бойынша 15 жылдан 20 жылға дейін бас бостандығынан айырылуы мүмкін.

Тимурдың туыстары Мадиярға ең қатаң жазаны кесуді талап етіп отыр. Сонымен қатар, өлген жігіттің әкесі бір жарым миллион теңге материалдық және бес миллион теңге моральдық шығын өндіріп алмақ.

Күдікті Павлодар дәмханаларының бірінде аспаз болып жұмыс істеген. Бұған дейін заң бұзбаған.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз