Павлодар ауданы Госплемстанция ауылында ер адам Ертіс өзеніне батып кетті, деп хабарлайды pavlodarnews.kz.
Бұл туралы облыстық ТЖД баспасөз қызметінде хабарлады.
«40 жастағы ауыл тұрғыны мас күйінде тыйым салынған жерде шомылған. Сағат 14:00-де куәгерлер оның денесін судан тауып шығарды. Құтқарушылардың айтуынша, жыл басынан бері 10 адам судан ажал құшты, оның үшеуі – бала. Суға кеткен ересектердің көбі мас күйінде суға түскен. 79 адам құтқарылды, оның – 30-ы бала», – делінген хабарламада.