Павлодар ауданында 40 жастағы ер адам суға батып кетті
Павлодар ауданы Госплемстанция ауылында ер адам Ертіс өзеніне батып кетті, деп хабарлайды pavlodarnews.kz.
Бұл туралы облыстық ТЖД баспасөз қызметінде хабарлады.
«40 жастағы ауыл тұрғыны мас күйінде тыйым салынған жерде шомылған. Сағат 14:00-де куәгерлер оның денесін судан тауып шығарды. Құтқарушылардың айтуынша, жыл басынан бері 10 адам судан ажал құшты, оның үшеуі – бала. Суға кеткен ересектердің көбі мас күйінде суға түскен. 79 адам құтқарылды, оның – 30-ы бала», – делінген хабарламада.
– Оқыс жағдайлардың алдын алу үшін тәртіп сақшыларымен бірге рейд шаралары жүргізіліп, аңдатпалар таратылады. Бірақ, адамдар оны ескермейді. Сондықтан бұдан былай қауіпсіздік ережелерін бұзған азаматтар, жағажайда ішімдік ішкендер мен балаларын қараусыз қалдырғандар әкімшілік жауапқа тартылады. ҚР Әкімшілік құқықбұзушылық кодексінің 412-бабына сай 7-ден 60-қа дейінгі АЕК көлемінде айыппұл тағылады, – дейді департамент мамандары.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз