Нұр-Сұлтан
Қазір
21
Ертең
28
USD
427
-0.34
EUR
517
-2.12
RUB
5.91
-0.05

“Пәтерге алдап апарып…”. Алматыда 23 жастағы бойжеткенді жігіті мен достары зорлаған (видео)

309

https://kaz.365info.kz/akhyry-olesin-goj-ertistegi-kopirden-sekirip-oluge-bara-zhatkhan-khyzdy-bireu-zorlap-ketti-284381

Олар бойжеткенге тиісіп, тіпті бірі соққыға жығыпты. Соққының қатты болғаны соншалық, есінен танып қалған. Пәтерде қамап ұстап, дегенімізге көнбесең бұл жерден тірі шықпайсың деген танысы бір өзі арам ойын жүзеге асырған.

«Рүстем біраз сағаттан кейін шығарып тастады. Шығарып, дос баласының үйіне әкелді. Мені алдады. Құлап түстім деп айта сал. Қорықтым мен, мамама да жүрегін ауыртып қоям ба деп. Анама ештеме айтпадым да»

– дейді жәбірленуші Индира Байәділова.

Бет-ауызы көк ала қойдай болған Индира болған жайтты туыстарынан жасырып қалған. Себебі, анасының жүрегі ауыратындықтан, салмақ салғысы келмеген. Үйіне келген сәтте жағдайы нашарлағандықтан, жедел жәрдем шақыртқан.

https://kaz.365info.kz/asyl-arman-tyrgyn-yj-kesheninde-okhushy-khyzdy-oltirdi-degen-kydiktige-khatysty-ykim-shykhty-266171

Миы шайқалып, мұрны сынғандықтан бір айға жуық ауруханада жатқан. Тек өзіне келгеннен кейін ғана әпкесіне зорланғанын айтыпты. Полицияға соққыға жығылғаны туралы ғана шағым түсірген. Анасы тәртіп сақшыларына күдіктілердің телефон нөмірі, тіпті жеке куәлігінің көшірмесіне дейін тауып бердік дейді.

 

Алматыда 23 жастағы бойжеткенді жігіті мен достары пәтерге алдап апарып зорлаған

«Баланы тапсын, жазасын алсын. Басқа ештеңе демеймін. Мен қалай қиналсам, солай қиналсын. Тергеушілерге телефонын тауып бердім, олар тіпті іздеген де жоқ, телефондарын бердік» – дейді Индираның анасы Гүлнәр Төлендиева.

Тергеушіні орнынан таба алмаған туыстары тек телефон арқылы ғана хабарласып жүрген. Барлық мәліметтер қолдарында бола тұра, іздемей отыр деп күйінуде. Сөздеріне дәлел болу үшін Индираның әпкесі Сымбат Тұрғанбаева тергеушімен сөйлескен сөзінің таспаға жазылған нұсқасын ұсынды.

https://kaz.365info.kz/maskeude-kyn-bolgan-khazakh-khyzdaryn-ayausyz-zorlap-myzdatkhyshkha-khamapty-256966

«Уже удостоверениесіне дейін бердік. Барлығы түгел ғой, ана бала 1988-ші жылғы, Ардақ деген. Мен білем ғой, Ардақтың ұрғанын. Ол Ардақ деген қазір Алматыда жоқ. Оперлар үйіне барды, кеше де барды. Күтті, қонды, аңдыды, жоқ. Сіздерді вообще түсінбей отырмын. Прокуратураға жазу керек пе? Жазыңыз, жазыңыз! Прокуратура іздемейді, Сіздерге тауып бермейді».

Бұл Индираның әпкесі Сымбат Тұрғанбаеваның тергеушімен сөйлескен сөзі.

Анасының қолқа салуымен Индира зорланғаны туралы полицияға арыз түсірді. Бұл іске қатысты Ішкі істер органдарынан ресми жауап алу мүмкін болмады. Дегенмен, күдіктілердің кім екені анықталып, оларға іздеу жарияланыпты.

Жалпы елімізде 1998 жылдан бері зорлық-зомбылық дерегіне қатысты сотқа тек 25 іс жеткенімен бірде-бірі бас бостандығынан айрылмаған.

Көбіне қыз-келіншектер жәбір көргенін дәлелдеу қиын болғандықтан жариялай бермейтін көрінеді. Бүгіннен бастап дағдарыс орталықтары одағы “150” сенім телефонын іске қосты. Теперіш көргендер осында хабарласып, құқықтық кеңес ала алады. Ал өмірін тас-талқаны шыққан Индира күдіктілер тиісті жазасын алады деп үміттенеді.

Дереккөз: Караван 

 

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз