Парижде 65 млн евроға пәтер сатып алған қазақстандық анықталып жатыр
Қаржы министрлігі Парижден 65 млн еуроға пәтер сатыр алған қазақстандықты іздестіріп жатыр.
Бұл туралы Астанада Орталық коммуникациялар қызметінде өткен брифингте ҚР Қаржы министрлігі Мемлекеттік кірістер комитетінің төрағасы Ардақ Теңгебаев мәлім етті, деп хабарлайды ҚазАқпарат.
«Біз Франциядағы әріптестерімізге сауал жолдадық. Сауалда пәтерді қай елдің азаматы қанша ақшаға сатып алғанын сұрадық. Бізге берілетін деректер негізінде оны жауапкершілікке тарту бойынша жұмыстарды жалғастырамыз. Бәлкім өз декларациясын көрсеткен де шығар. Мыңдаған қазақстандықтың шетелде өте үлкен сомада қаражаты бар, бірақ олар бұл соманы ресми жариялаған», – деді Теңгебаев.
Бұған дейін қазақстандық БАҚ Қазақстан азаматының Парижде аумағы 1200 шаршы метр болатын пәтерді 65 млн еуроға сатып алғанын хабарлаған еді. Пәтер иесінің аты-жөні әлі күнге дейін белгісіз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе