Өзбекстанның төтенше жағдай министрі Ақтөбеге ұшып келді
Өзбекстанның ТЖ бойынша министрі Рустам Джураев Ақтөбеге ұшып шыққан делегацияны басқарды, деп хабарлады “Интерфакс-Қазақстан” агенттігіне Ақтөбе облысы әкімінің баспасөз хатшысы Қанат Құлшманов.
“Бейсенбі күні кешке Ақтөбеге Өзбекстанның төтенше жағдайлар министрі Рустам Джураев бастаған делегация келді. Оның құрамында денсаулық сақтау, ішкі істер министрліктерінің қызметкерлері мен дипломаттар бар “, – деп хабарлады Қанат Құлшманов.
Оның айтуынша, қазіргі кезде автобустағы өрттен қаза болғандардың денесі Ақтөбеге жеткізілді.
“Таңертең Өзбекстанның төтенше жағдайлар министрі мен Ақтөбе облысы әкімінің орынбасары Серік Төленбергенов, сонымен қатар, мемлекеттік органдардың бірқатар қызметкері оқыс оқиға орнына, Ырғыз ауданына барған”, – деп атап өтті ол.
Бұрын хабарланғандай, 16 қаңтарда Ақтөбе облысының Ырғыз ауданында Шымкенттен Қазанға бара жатқан автобус өртеніп, Өзбекстанның 52 азаматы қаза болған. Барлығы автобуста 57 адам болған, бес адам, оның ішінде үш қазақстандық жеңіл жарақат алған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе