Өзбекстанның Самарқанд облысында орта мектептердің жоғары сынып оқушылары мен колледждегі барлық студент қыздарды жаппай гинекологтың тексеруіне күштеп апара бастады.
Бұл шара жыныстық қатынасқа ерте түскен жас қыздарды анықтау үшін жасалып отыр.
Бұл жайында centralasian.org порталы хабарлайды.
Гинекологтың тексеруінен кейін жыныстық қатынасқа ерте жастан түскен қыздардың ата-анасымен мұғалімдер мен психологтер әңгімелеседі.
Тексеру барысында өңірде екіқабат болып қалған ондаған жасөспірім қыз анықталды.
Бұл шара күштеп жүзеге асырылуда. Өйткені жуырда ғана Өзбекстан президенті Шавкат Мирзиеев Самарқандта сөйлеген сөзінде дәл осы өңірде жас қыздар мен әйелдер арасында өзіне-өзі қол салу оқиғаларының жиілеп кеткеніне алаңдаушылық танытқан еді. Мирзиеевтің сөзінше, Самарқандта соңғы уақытта 145 қыз суицидке барған.
https://kaz.365info.kz/b-lingen-t-gi-zho-p-ktik-zhasatu-30-my-te-ge-t-rady-246672
Фото: ilya varlamov | zyalt.livejournal.com