Өзбекстанда «Кремль аспазына» сақалы үшін тіл тигізген
Ферғана облысында туып-өскен 37 жастағы халықаралық дәрежедегі аспаз Шерзод Мадаминов «халықтық қабылдауға» өтініш жазып, үкімет асханасына жұмысқа алуын сұраған. Оның жазуынша, облыс әкімі Шухрат Ганиев өзін сақал өсіргені үшін жұрттың алдында балағаттаған.
Шерзод Мадаминов бірнеше жылдар бойында Ресейдің әртүрлі мейрамханасында кәсіби біліктілігін арттырған. Тіптен Ресей президенті Владимир Путин қатысқан шараларда арнайы ас әзірлеген екен. Бірақ еліне келгеннен кейін жұмыссыз қалған. Ол енді үкімет асханасында жұмыс істеуді армандайды.
– Мен қатты қуанып, келістім. Бірақ Ферғана облысының әкімі Шухрат Ганиев орнынан тұрып, маған жақындап, сақалымды көрсетіп, “Мынау не нәрсе?” деп сұрады. Сосын ол “Сақалыңды алып, адам секілді кел, сол кезде ғана несие ала аласың” деді. Мен қатты ашуланып, кетіп қалдым
– дейді Шерзод Мадаминов.
Ол осыдан кейін облыс әкімін сотқа бергісі келгенін, бірақ өзін қорғайтын адвокат таба алмағанын айтады. “Өзге елде жүріп, мені бұлай ешкім балағаттамаған еді” дейді аспаз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе