Өзбекстан әртістерге лизенция беруді қиындатып жіберді
“Өзбекконцерт” мемлекеттік мекемесі жанынан шығармашылық кеңес құрылған. Енді өнер көрсету үшін лицензия алғысы келетін әртістер сол кеңестің алдында жанды дауыспен ән салуы керек. Кеңеске атақты клипмейкерлер, режиссерлер, ақындар мен сазгерлер кірген. Жақында өткен алғашқы жиында шығармашылық кеңес мүшелері 32 әншіні тыңдады.
Бұған дейін лизенция алғысы келген әншілер дисктерін тиісті органдарға өткізетін. “Өзбекконцерт” басшысы Одилжон Абдукаххаров 1 шілдеде лицензия беру шарттары өзгергенін хабарлады.
Ұлттық дәстүрге сай емес клиптер эфирден алып тасталған. Жаңа тәртіп бойынша, концерт ұйымдастыруға лицензия алу үшін әнді концерттік бағдарламасының кем дегенде 60 пайызын орындауы тиіс.
Еске салайық, 11 шілдеде “Өзбекконцерт” бірқатар әншілердің лицензиясын тартып алды. Лицензия әншілерге бір жылға ғана беріледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе