Өз-өзіне қол салмақ болған арудың кесірінен жол апаты орын алды
Ақмола облысында өз-өзіне қол салмақ болған қыз көліктің рөлін бұрып қалып, машина жыраға аударылып түсті, деп хабарлайды құқық қорғау органдары.
Бұл туралы Sputnik.kz хабарлады.
“Алдыңғы орындықта отырған жолаушылардың бірі, көлік жүріп келе жатқанда рөлді өзіне бұрып, жібермей қойған, салдарынан минивэн жыраға аударылып түсті”, — деп мәлімет берді ІІД.
Көлікте жүргізушіден бөлек, тағы үш жолаушы болған. Жол апаты салдарынан 70 жастағы әйел әртүрлі жарақатпен орталық аудандық ауруханаға жатқызылды.
“20 жастағы Көкшетау тұрғыны полицияға жеткізіліп, жауап алу кезінде өз-өзіне қол салмақ болғанын түсіндірді. Қазір бойжеткен ауруханада жатыр. Дәрігерлердің бастапқы қорытындысына сүйенсек, психикалық жағдайы бір қалыпты”, — делінген хабарламада.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз