ОҚО-да мектеп формасын сақтамаған 130 оқушының ата-анасына әкімшілік айыппұл салынады. 400 оқушы орамал және тағы басқа діни киімдер киіп жүр. Оларды полицейлер бақылауға алған.
Бұл туралы TVK хабарлады.
ОҚО білім басқармасының басшысы Исатай Сағындықұлы брифинг өткізді.
Шындығында, мектеп формасын оқушылар ғана емес кей мұғалімдер де сақтамай келген.
«Қазір орамал таққан 398 оқушы бар. 2017 жылы қаңтарда олардың саны 600 болды. Өткен жылы Сайрам, Сарыағаш, Мақтарал аудандарда 28 мұғалім орамал таққан. Қазір тек 6 мұғалім мұсылман киімінде сабақ беріп жатыр. Білім министрлігінің заңына бағынбаған 130 ата-ана әкімшілік жазаға тартылады”,- дейді ол.
«ҰБТ-ның суицидке түк қатысы жоқ. Біз олардың ҰБТ-ға дайындалуына ақша жұмсамауы үшін барлық жағдайды жасаймыз. Егер ата-аналар қаласа ақылы дайындалуына құқығы бар», – дейді Истай Сағындықұлы.