Оралда атыс болды: 20 адам қамауға алынды

БҚО полиция департаментінің ресми өкілі Болатбек Белгібековтың айтуынша, 20 қазан күні сағат 22.10-да 102 оператордың пультіне Шолохов көшесінде  орналасқан «VenОil»  ЖМҚС аумағында белгісіз адамдар мылтықпен жүргені және оқ атылғаны туралы хабарлама келіп түскен.

«Оқиға орнына жақын маңдағы полиция жасақтары дереу жіберілді. Жедел-іздестіру іс-шараларын жүргізу барысында Орал қалалық полиция басқармасының қызметкерлері инциденттің бір қатысушысын анықтап, ұстады. Барлығы 20 адам, оның ішінде оқ атқан адам да ұсталды. Қазіргі уақытта оларды уақытша ұстау изоляторына орналастыру және қылмысқа қатысушыларға қатысты бұлтартпау шарасын таңдау туралы мәселе шешілуде. Басқа мәліметтерді тергеу мүддесіне сай жариялауға болмайды», — деді Болатбек Белгібеков.