Оңтүстік Кореяда қазақстандықтар неге қайтыс болып жатыр?

30-40 жастағы қазақстандықтар қара жұмысқа, ауыр еңбек шарттарына шыдамай жатады, деп хабарлады ҚР Сыртқы істер министрлігінің ресми өкілі Айбек Смадияров.

“Олар кешке үйлеріне келіп ұйықтайды да, оянбайды. Жастары 30-40 шамасында.

Жас ағза мұндай жүктемеге төзбейді»,

— деп атап өтті СІМ ресми өкілі ведомствадағы брифинг барысында. Оның айтуынша, денені Оңтүстік Кореядан Қазақстанға тасымалдау 6-7 мың доллар тұрады, бар шығынды туған-туыстары көтереді.

Сондай-ақ, ведомство өкілі “жасыл дәліз” бойынша жыл басынан бері Оңтүстік Кореяда заңсыз жұмыс істеп жатқан мыңнан астам қазақстандық өз еркімен үйлеріне оралғанын айтты.