Еңбек инспекциясына келіп, өтініш айтқан ер адам мұндағылардың өзіне жүрдім-бардым қараған әрекетіне шыдамай, өзін-өзі өлтірмек болды.
Бұл туралы Жамбыл облыстық ІІД баспасөз қызметіне сілтеме жасап, NewTimes.kz хабарлады.
«14-тамызда сағат 15:00-де Жамбыл облыстық Еңбек инспекциясының ғимаратында Шүленбаев Нұржан есімді азамат 6-қабаттан секірмек болды. Ол 1984 жылы туған”, – деп түсінік береді облыстық ІІД.
«33 жастағы жігіт бөлім басшысына барып, қызметкерлердің бірінің үстінен шағым түсірген. Бөлім басшысы одан арызын хатқа түсіріп, қалдырып кетуін сұраған. Куәгерлердің айтуынша, дәл сол сәтте жігіт өзінің арызына жүрдім-бардым қарады деп санап, айғайға басқан. Сөйтіп терезе жаққа барып, секірмек болған. Оны осы бөлімшенің қызметкерлері ұстап қалған. Қазіргі таңда сотқа дейінгі тергеу жұмыстары қолға алынды”, – дейді Жамбыл облыстық полиция қызметкерлері.