ОҚО-да бір-бірімен пышақтасқан алты адам ауруханаға түсті
Шымкентте пышақ жарақатымен бірден алты адам ауруханаға түсті. Алдын ала деректер бойынша, пышақтасып қалғандар 22 мен 33 жас аралығындағы еркектер екен.
Бұл туралы TVK телеарнасы хабарлайды.
Бастапқыда олардың арасында ерегіс болып, содан соң олар бір-біріне пышақ сілтеген. Нәтижесінде алтауы да жедел жәрдем көмегімен ауруханаға жеткізіледі.
“Олар 27 қазан күні кешке түсті. Біреуі кеуде тұсынан жеңіл жараланған. Жалпы кеткен қан көлемі 2 литрге жуық. Екіншісі кеудесінің екі жағынан және жүрек тұсынан жарақат алған”, – деп хабарлады қабылдау бөлімінің меңгерушісі Сәбит Байбосынов.
Тағы екеуі құрсақ қуысы жарақатымен түскен. Қазір олардың жағдайлары ауыр. Қалғандары болмашы жарақаттармен түскендіктен оларға ем-дом көрсетіліп, үйлеріне жіберілген. Бұл жағдайды облыстық ІІД растады. Қазіргі таңда полиция оқиғаның мән-жайын анықтап жатыр. Төбелеске қатысушыларға қатысты “Бұзақылық” және “Денсаулыққа әдейі ауыр зиян келтіру” баптары бойынша іс қозғалды.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз