Оңтүстік Қазақстан облысында анасынан аяусыз таяқ жеген 7 жасар Асылдың мүгедек болып қалу қаупі жоғары.
Бұл туралы ҚазАқпарат хабарлады.
Дәрігерлердің айтуынша баланы қазір ауруханадан шығаруға болады, бірақ оның сол аяғы мен қолының қимылы әлі де ойдағыдай емес. Баланың денсаулығы әлі оңалту шараларының жасалуын талап етеді.
“Қазір Асылдың жағдайымен тұрақты түрде хабардар болып отырмыз. Егер аурухана басшылығы оны шығарамыз десе, біз оңалту орталығына баланы алып баратын құжаттарды дайындауға кірісеміз”, – дейді білім бөлімінің әдіскері Бақберген Сәрсенбеков.
Маманның айтуынша, кей азаматтар демеушілік жасап, баланың ем-дом шығындарын көтеріп жатыр екен.
Еске салсақ, бұған 1986 жылғы әйелдің туған баласын аямай сабап тастап, баланың ес-түссіз жағдайда облыстық балалар ауруханасына жеткізілгені хабарланған еді.