“Өйткен байы құрысын…”. Телевидение арқылы іздеу салған ер адамның әйелі табылды

Тіпті, күйеуі теледидар арқылы да жергілікті халықтан көмектесулерін сұраған.

“Қаңтардың 4-нен 5-не қараған түні әйелдің Алғабастағы танысының үйінде тығылып жатқаны белгілі болды.

Оны Еңбекшіқазақ полиция бөлімшесіне әкеліп, бірнеше сұрақтар қойды. Сосын оның туыстарына хабарланды”, -дейді полиция қызметкері.

Қазір әйел Талдықорғандағы туыстарының үйінде тұрып жатыр.

Айта кетелік, Алматы облысында 24 жастағы келіншек мереке алдында үйінен шығып кетіп, із-түссіз жоғалған. Жақындары оны сабыла іздеген. Бірақ қанша тырысса да әйелді жер жұтып кеткендей. Ал онсыз да денсаулығының кемістігі бар балаларының жағдайы сәт сайын қиындап, күйеуі де ауырып қалған. Іздеуге жергілікті полиция сақшыларымен қатар журналистер де ат салысқан.